Эмнени сепсең, ошону оросуң.
Эмнени сепсең, ошону оросуң.
Биз жашоодо туш болгон жагдайлардын бардыгы,
Аз нерседен башталат, жаман – жакшы, калп – чыны.
Чагылган да башталат тамчысынан жамгырдын.
Мөл булактар жаратат чоң дарыя агымын.
Кичинекей учкундан жалындаган от чыгат.
Калың томдуу чыгарма тамга, сөздөн башталат.
Таштар ташка кыналып, бийик үйлөр курулат.
Желден бороон башталып, талаа – түзгө урунат.
Жан кейиткен ачуу сөз душмандыкты жаратат.
Жамандыктан алыс бол, жүрөккө салчу жаракат.
Жакшы үрөн сеп ар качан, жамандыкка берилбе.
Кучагыңа төгөт Теңир түгөнбөгөн береке.
Эмне сепсең ошону жыйнап кийин аласың.
Жалган сепсең – жалганды,
Чындык сепсең – чындыкты.
Далай эсе көбөйөт тандап сепкин үрөндү.
Жанга зыян келтирбе, абайлагын ар качан.
Ишенимдүү, момун бол, жалгандыкка барбаган.
Кубаныч, сүйүү, тынчтыкты, такыбаалык, сабырды,
Себе бергин ар дайым.
Алар өсүп миң ирет жемиш берсин ылайым.
